BAKI, 10 noyabr — Sputnik. Misirdə hava limanına endikdən sonra alışan "SkyUp" aviaşirkətinə məxsus təyyarənın görüntüləri yayılıb.
Sputnik Azərbaycan bildirir ki, video Twitter-də yayılıb.
Təyyarə Şarm-əş-Şeyxə Ukraynanın Zaporojye vilayətindən gəlib. Onun göyərtəsində 189 sərnişin və 7 ekipaj üzvü olub. Hadisə zamanı kimsə xəsarət almayıb.
Təyyarənin alışmasına səbəb hidravlik sistemdən yağ sızıntısı olub. Hava limanının xilasetmə xidməti alovun qarşısını alaraq onun təyyarənin digər hissələrinə keçməsinə imkan verməyib.