BAKI, 17 oktyabr — Sputnik. Ukrayna millisinin və "Mançester Siti"nin futbolçusu Aleksandr Zinçenko ukraynalı telejurnalist Vlada Şeqlovaya evlilik təklifi edib.
Sputnik Azərbaycan xəbər verir ki, 22 yaşlı yarımmüdafiəçi sevgilisinə istəyini Ukrayna milli komandası Avro 2020-yə vəsiqəsini təmin etdikdən sonra Kiyevdəki Olimpiya stadionunda elan edib. O, bununla bağlı şəxsi "Instagram" hesabında yazıb: "Həyatımın ən vacib "hə"si".
Qeyd edək ki, ukraynalı futbolçu Zinçenko və aparıcı arasında olan münasibət bu ilin iyun ayında bəlli olub. Belə ki, Zinçenko Serbiya ilə oyundan sonra xanım jurnalisti öpmüşdü.