Qeyri-peşəkar kadrlar Azərbaycan mehmanxanalarının reputasiyasını ciddi şəkildə korlaya bilər. Bunu Sputnik Azərbaycan-a Azərbaycan Turizm Assosiasiyasının (AZTA) rəhbəri Nahid Bağırov otel xidmətçilərinin qanunsuz tələbləri və sualları ilə rastlaşan müştərilərin şikayətlərini şərh edərkən deyib.
DAİR Otellər və Restoranlar Assosiasiyası İdarə Heyətinin sədri Samir Dübəndi Sputnik Azərbaycan-a deyir ki, otellə müştəri arasında qeydiyyata alınma anından hüquqi münasibətlər yaranır: “Qonaqların təhlükəsizliyinin təmin olunması üçün şəxsiyyəti təsdiq edən sənəd təqdim olunmalıdır. Təcrübələr göstərir ki, bəzi otellər sənəd tələb etmədən müştəri qəbul edirlər və yaxud iki şəxsdən yalnız birinin sənədini götürürlər. Ümumiyyətlə isə otellərdə sənədlərin girov kimi saxlanması doğru deyil. Bu otel və müştəri arasında güvənsizliyin olmasını göstərir”.
Azərbaycan Respublikasının İnzibati Xətalar Məcəlləsinin 567-ci maddəsinə əsasən, şəxsiyyət vəsiqəsinin, pasportun və ya şəxsin xidməti vəsiqəsinin verilməsi qaydalarının pozulması, sənədinin qanunsuz götürülməsi və ya girov kimi qəbulu olunması 500 manatdan 800 manata qədər cərimə ilə cəzalandırılır.
Samir Dübəndinin geniş şərhinə audiofaylda qulaq asa bilərsiniz