BAKI, 3 oktyabr — Sputnik. Çempionlar Liqasında qrup mərhələsinin ikinci turu başa çatıb.
Sputnik Azərbaycan-ın məlumatına görə, turun ikinci oyun günündə 8 matç keçirilib.
E, F, G və H qruplarında mübarizə aparan komandalar ikinci qarşılaşmalarına çıxıblar. Yalnız Hollandiya “Ayaks”ı startda ardıcıl 2-ci qələbəni bayram edə bilib. Portuqaliya “Benfika”sı isə ikinci dəfə məğlub olub.
Günün mərkəzi qarşılaşması “Nou Kamp”da baş tutub. “Barselona” “İnter”i qəbul edib. Qonaqlar erkən qol vursalar da, kataloniyalılar Luİs Suaresin dublu ilə ilk qələbəsini qazanıb.
Günün ən məhsulda matçı “Enfild Roud”da oynanılıb. “Liverpul” ilk yarıda qazandığı üç qolluq üstünlüyü əldən versə də, sonda “Zalsburq”un müqavimətini qıra bilib.
Qeyd edək ki, III turun oyunları oktyabrın 22-23-də keçiriləcək.
Çempionlar Liqası
Qrup mərhələsi, II tur
E qrupu
20:55. "Genk" (Belçika) - "Napoli" (İtaliya) - 0:0
23:00. "Liverpul" (İngiltərə) - "Zaltsburq" (Avstriya) - 4:3
F qrupu
20:55. Slaviya" (Praqa, Çexiya) - "Borussiya" (Dortmund, Almaniya) - 0:2
23:00. "Barselona" (İspaniya) - "İnter" (İtaliya) - 2:1
G qrupu
23:00. "Leyptsiq" (Almaniya) - "Lion" (Fransa) - 0:2
23:00. "Zenit" (Rusiya) - "Benfika" (Portuqaliya) - 3:1
H qrupu
23:00. "Lill" (Fransa) - "Çelsi" (İngiltərə) - 1:2
23:00. "Valensiya" (İspaniya) - "Ayaks" (Hollandiya) - 0:3