BAKI, 3 oktyabr — Sputnik. Metronun "Cəfər Cabbarlı" stansiyasında təmir işləri artıq yekunlaşma mərhələsindədir.
Bu barədə Sputnik Azərbaycan-a açıqlamasında "Bakı Metropoliteni" Qapalı Səhmdar Cəmiyyətinin mətbuat katibi Bəxtiyar Məmmədov deyib. O bildirib ki, stansiyada işlərin yekunlaşması üçün 2 mərhələ qalıb: "Artıq stansiyada bütün infrastruktur yenilənib və hazırda son tamamlama işləri görülür".
"Cəfər Cabbarlı" stansiyasının iki çıxışı olması rahat şəkildə sərnişinlərin hərəkətini təşkil etməklə təmir işlərini aparmağa imkan verir", - deyə B.Məmmədov əlavə edib.
O bildirib ki, hələlik təmir işlərinin nə zaman yekunlaşacağı ilə bağlı bir tarix açıqlamaq mümkün deyil.