Xəbər verdiyimiz kimi, futbol üzrə Avropa çempionatının seçmə mərhələsi çərçivəsində “Bakcell Arena”da keçirilən Azərbaycan-Xorvatiya oyununda qalib müəyyənləşməyib.
Oyunun 11-ci dəqiqəsində yığmamızın qapısına təyin olunmuş 11 metrlik cərimə zərbəsini Luka Modriç dəqiq yerinə yetirib. Oyunun 72-ci dəqiqəsində millimizin üzvü Təmkin Xəlilzadə gözəl qola imza ataraq hesabı bərabərləşdirib. Oyunun sonunadək hesab dəyişməyib -1:1. Komandamız Avropa çempionatının seçmə mərhələsində ilk xalını qazanıb.
Bu komandalar arasında Xorvatiyada baş tutan görüş meydan sahiblərinin 2:1 hesablı qələbəsi ilə başa çatmışdı.
Həmin oyunun maraqlı anlarını sizə təqdim edirik.