İran ekologiya baxımından Xəzər dənizindən qaz kəmərinin çəkilməsinin əleyhinədir. Bunu İran Milli Qaz Şirkətinin nümayəndəsi Bəhruz Namdari Xəzər İqtisadi Forumunda çıxışında bildirib.
Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, bu layihənin Xəzər vasitəsilə reallaşdırılması daha səmərəlidir, nəinki İran ərzisindən istifadə etməklə: “Amma layihənin gerçəkləşməsi üçün bir sıra ekoloji və geosiyasi amillər nəzərə alınmalıdır. Layihənin reallaşdırılmasında Avropa və Türkmənistan daha maraqlı olmalıdır. Çünki, hazırda Türkmənistan iqtisadiyyatında bəzi problemlər var və bu ölkə qaz ixracatını artırmaq istəyir. Öz növbəsində, Avropa da qaz idxal mənbələrini şaxələndirmək istəyir. Düşünürəm ki, bu məsələlər ətrafında problemlər davam edəcək. Burada həm İranın, həm Rusiyanın, eyni zamanda qərbin maraqları var”.
Qeyd edək ki, Birinci Xəzər İqtisadi Forumu avqustun 11-12-də Türkmənbaşı şəhərində yerləşən “Avaza” milli turizm zonasında keçirilib.
Professorun geniş şərhinə audiofaylda qulaq asa bilərsiniz