BAKI, 6 avqust - Sputnik. Ağdamın “Qarabağ” klubu Avropa kuboklarında növbəti görüşünü keçirib.
Sputnik Azərbaycan-ın məlumatına görə, UEFA Çempionlar Liqasında mübarizə aparan təmsilçimiz III təsnifat mərhələsində ilk oyununa çıxıb.
Azərbaycan çempionu səfərdə Kiprin APOEL klubu ilə qarşılaşıb.
Oyunun ilk yarısında hesab açılmayıb. İkinci hissəyə Ağdam klubunun oyunçuları daha fəal başlayıblar.
Belə ki, 54-cü dəqiqədə Mahir Emreli hesabı açıb - 1:0. 70-ci dəqiqədə Queye hesab arasındakı fərqi artırıb - 2:0. Oyunun artırılmış 5-ci dəqiqəsində Merkis hesab arasındakı fərqi azaldıb. Görüş "Qarabağ"ın qələbəsi ilə başa çatıb - 2:1.
Cavab oyunu bir həftədən sonra Bakıda keçiriləcək.