BAKI, 31 iyul — Sputnik. "Qarabağ" bu gün Çempionlar Liqasının 2-ci təsnifat mərhələsində cavab oyununa çıxacaq.
Sputnik Azərbaycan xəbər verir ki, Ağdam klubu "Dalğa Arena"da İrlandiya çempionu "Dundalk"ı qəbul edəcək. Görüş Bakı vaxtı ilə saat 21:00-da başlayacaq.
Səfərdə keçirilən ilk oyunda 1:1 hesablı heç-heçəyə razılaşan Qurban Qurbanovun yetirmələri doğma meydanda qələbə qazanıb, 3-cü təsnifat mərhələsinə yüksəlmək niyyətindədirlər. "Qarabağ" bunu bacarsa, növbəti raundda Kiprin "APOEL" klubu ilə üz-üzə gələcək. Belə ki, ötən gecə "APOEL" Monteneqronun "Sutyeska" klubu üzərində inamlı qələbə qazanaraq, növbəti mərhələyə vəsiqə əldə edib. Məğlub olan komanda mübarizəni Avropa Liqasında davam etdirəcək.
Qeyd edək ki, "Qarabağ" - "Dundalk" cavab oyunu "CBC Sport" telekanalı vasitəsilə birbaşa nümayiş olunacaq.