Rusiya prezidenti Vladimir Putin Rusiya aviaşirkətlərinin Gürcüstana uçuşlarını müvəqqəti qadağan edib.
Sənədə əsasən, 2019-cu ilin 8 iyul tarixindən etibarən Rusiya aviaşirkətlərinə ölkə ərazisindən Gürcüstan ərazisinə vətəndaşların daşınması müvəqqəti dayandırılacaq. Turistik şirkətlərə qadağanın qüvvədə olduğu müddətdə Gürcüstanla əlaqəli turistik xidmətlərin satışından imtina edilməsi tövsiyə edilib.
Dövlət Miqrasiya Xidməti yanında İctimai Şuranın sədri Azər Allahverənov Sputnik Azərbaycan-a deyir ki, müxtəlif ekspertlər Gürcüstana gedəcək turistlərin sayında 150 min azalmanın olacağını iddia edirlər:
“Belə olduğu halda, həmin turistlər yaxın ölkələrə səfər etməyi seçəcəklər. Rusiya tur şikətləri əsasən Krım və Şimali Qafqaza səfərlərin reklamını aparırlar. Çox güman ki, o turistlərin müəyyən qismi Azərbaycana gələcək. Bu da ölkəmizə gələcək rus turistlərin sayında artıma səbəb olacaq”.
Azər Allahverənovun geniş şərhinə audiofaylda qulaq asa bilərsiniz