BAKI, 3 iyul — Sputnik. Şarja əmirinin oğlu şeyx Xalid bin Sultan Əl-Qasiminin ölümü ilə bağlı BƏƏ-də üçgünlük milli matəm elan edilib.
Sputnik Azərbaycan xəbər verir ki, bu haqda "WAM" agentliyi yazır.
Şarja əmirinin işləri üzrə idarə bildirib ki, şeyx Xalid Əl-Qasimi iyulun 1-i Böyük Britaniyada dünyasını dəyişib.
Onun ölüm səbəbləri açıqlanmır.
39 yaşlı Xalid bin Sultan Əl-Qasimi Şarja əmiri şeyx Sultan bin Məhəmməd Əl-Qasiminin üçüncü oğlu idi.
Şahzadə Böyük Britaniyada yaşayırdı və "Qasimi" adlı şəhər geyim brendinin yaradıcısı idi.