BAKI, 26 iyun — Sputnik. Vyanada güclü partlayış olub.
Sputnik Azərbaycan "RİA-Novosti"yə istinadən bildirir ki, məlumatı Avstriya polisi yayıb.
Hadisə Presshasse küçəsində baş verib. Ən azı, iki bina zədələnib, birində bir neçə mərtəbə qismən uçub, qonşu tikililərin şüşələri qırılıb tökülüb.
Dörd nəfərin yaralanması barədə məlumat var. Polis partlayış ərazisini əhatəyə alıb. Xüsusi xidmətlər, təcili yardım maşınları da Presshasse küçəsinə gəliblər.
İlkin məlumata görə, partlayışa məişət qazı səbəb olub.