Çin ABŞ-ın təklif etdiyi hər hansı qeyri-bərabər ticarət sazişini imzalamayacaq. Bunu Çin Xalq Respublikasının Xarici işlər naziri Vanq Yi deyib.
Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, ABŞ-ın xarici siyasətdə və iqtisadi münasibətlərdə aqressiv davranışlarının vacib səbəbləri var:
“Hazırkı zamanda ABŞ iqtisadiyyatı rəqabətdə Çinə açıq-aşkar uduzur. Çin iqtisadi artım tempinə və texnoloji məhsulların istehsalına görə ilk yerdə qərarlaşır və ABŞ-ı xeyli dərəcədə üstələməkdədir. ABŞ administrasiyasının bu siyasəti rəqabət üstünlüklərinin qorunmasına və inkişaf etdirilməsinə yönəlib”.
Qeyd edək ki, ABŞ-ın maliyyə naziri Stiven Mnuçin ABŞ hökumətinin Çinlə yeni ticarət danışıqları aparmağa hazır olduğunu bildirib.
Professorun geniş şərhinə audiofaylda qulaq asa bilərsiniz