BAKI, 30 may — Sputnik. Ukrayna Quru Qoşunlarına məxsus "Mi-8" helikopteri Roven vilayətində qəzaya uğrayıb.
Sputnik Azərbaycan xəbər verir ki, bu barədə məlumat Ukrayna Quru Qoşunlarının "Facebook" səhifəsində yerləşdirilib.
Qəza ötən gün axşam saatlarında baş verib. Helikopter Sestryatin kəndi yaxınlığında qəzaya uğrayıb.
Helikopter qəzası nəticəsində 4 ekipaj üzvü ölüb. Ölənlər arasında Quru Qoşunlarının hərbi aviasiyasının 16-cı briqadasının komandanı da var.
Hadisə yerinə Ukrayna Müdafiə Nazirliyinin, Silahlı Qüvvələrin Baş Qərargahının və Quru Qoşunları Komandanlığının komissiyası işləyir.
Qəzanın baş vermə səbəbləri araşdırılır.