BAKI, 30 may - Sputnik. “İndiyədək Ombudsmanın təklifi ilə parlamentdə hansısa qanunun qəbul olunduğunu xatırlamıram”.
Sputnik Azərbaycan xəbər verir ki, bunu Milli Məclisin bu gün keçirilən plenar iclasında "Azərbaycan Respublikasının İnsan hüquqları üzrə müvəkkili (ombudsman) haqqında" qanuna dəyişikliyin müzakirəsi zamanı millət vəkili Qüdrət Həsənquliyev deyib.
Deputat qeyd edib ki, Ombudsmanın təklifini əvvəlcə Ali Məhkəməyə təqdim etməsi, Ali Məhkəmə məqbul sayarsa, qanunvericilik təşəbbüsü ilə çıxış edərək parlamentə layihə təqdim etməsi məqbul olar. Bununla bağlı qanunvericiliyə dəyişiklik olunsa, müsbət olar.
Milli Məclisin sədri Oqtay Əsədov isə qanuna dəyişikliyin ilk oxunuşda müzakirəyə çıxarıldığını və təkliflərin ikinci və üçüncü oxunuşda verilə biləcəyini qeyd edib.