BAKI, 26 may - Sputnik. Böyük Britaniyanın “The Daily Star” qəzetində “Arsenal Henrix Mxitaryanı satmağı qərara alıb – Onlar əmindilər ki, o, artıq heç bir şey edə bilməyəcək” sərlövhəli məqalə yerləşdirilib.
Sputnik Azərbaycan xəbər verir ki, məqalədə “Arsenal”ın bu yay Henrix Mxitaryanı komandadan uzaqlaşdırmağı planlaşdırdığı bildirilir. Qeyd olunur ki, Mxitaryan mayın 29-da UEFA Avropa Liqasının “Arsenal” və “Çelsi” arasında Bakıda keçiriləcək final matçında iştirak etməyəcək.
Mxitaryan təhlükəsizlik qorxusu ilə əlaqədar Azərbaycan paytaxtına səfər etmək əvəzinə Londonda qalmağa üstünlük verib.