BAKI, 14 may — Sputnik. AFFA-nın İntizam Komitəsinin növbəti iclası keçirilib. Sputnik Azərbaycan AFFA-nın rəsmi saytına istinadən xəbər verir ki, iclasda Azərbaycan Premyer Liqasının sonuncu – XXVIII turunda baş verən qayda pozuntuları ilə bağlı qərarlar açıqlanıb.
11 may 2019-cu il, 2018/2019 mövsümündə, XXVII Topaz Premyer Liqasının XXVIII turunun "Sumqayıt" – "Qəbələ" matçında "Qəbələ" klubunun 5 futbolçusu sarı vərəqə ilə cəzalandığı üçün klub 800 manat cərimə olunub.
11 may 2019-cu il, 2018/2019 mövsümündə, XXVII Topaz Premyer Liqasının XXVIII turunun "Neftçi" – "Qarabağ" matçında "Qarabağ" klubunun 6 futbolçusu sarı vərəqə ilə cəzalandığı üçün klub 800 manat cərimə olunur.
11 may 2019-cu il, 2018/2019 mövsümündə, XXVII Topaz Premyer Liqasının XXVIII turunun "Səbail" – "Keşlə" matçında "Səbail" klubunun 4 futbolçusu sarı vərəqə ilə cəzalandığı üçün klub 800 manat cərimə olunub.
Oyunun 51-ci dəqiqəsində "Keşlə" klubunun 93 №-li futbolçusu Edvinas Girdvainis ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub.
10 may 2019-cu il, 2018/2019 mövsümündə, I divizionun XXVI turunun "Keşlə-2" – "Zaqatala" matçında "Keşlə-2" klubunun 4 futbolçusu sarı vərəqə ilə cəzalandığı üçün klub 80 manat cərimə olunub. Oyunun 69-cu dəqiqəsində "Keşlə-2" klubunun 56 №-li futbolçusu Əkbər Vəliyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır, klub 160 manat cərimə olunub.