BAKI, 3 may — Sputnik. "Azərbaycanda əlillərin cəmiyyətdə qarşılaşdıqları müxtəlif problemlərin həlli üçün beynəlxalq təsnifatlar hazırlanır. Əlilliyin müəyyən edilməsində də bu beynəlxalq standartlardan istifadə olunur".
Bu sözləri Sputnik Azərbaycan Multimedia Mətbuat Mərkəzində keçirilən mətbuat konfransında Əlil Təşkilatları İttifaqının İdarə Heyətinin üzvi, hüquqşünas Mayis Əliyev deyib. O, Azərbaycanda əlillərin hüquqlarının müdafiəsi probleminə həsr olunmuş tədbirdə bildirib ki, belə şəxslərə yaşıdları ilə bərabər və fasiləsiz təhsil alma imkanları yaradılır.
M.Əliyev bu gün özünməşğulluq proqramı ilə məşğul olan 7 mindən artıq şəxsdən 1500-nün əliliyi olan şəxslərdən ibarət olduğunu diqqətə çatdırıb.
O, həmçinin yol infrastrukturunda olan problemlərdən də söz açıb: "Artıq panduslarda maililiyin nə qədər olması və bu kimi digər standartlara necə əməl olunması ilə bağlı qaydalar hazırlanaraq Nazirlər Kabinetinə verilib".