Bakıda keçirilən Formula 1 üzrə SOCAR Azərbaycan Qran Prisinə yekun vurulub. Sputnik Azərbaycan xəbər verir ki, dördüncü dəfə keçirilən yarışda “Mercedes” komandasının pilotu Valtteri Bottas qalib olub.
Onun komanda yoldaşı Lüis Hemilton isə ikinci olaraq komandanın ikiqat qələbə qazanmasına səbəb olub. Üçüncü yeri “Ferrari” komandasının pilotu Sebastyan Fettel tutub.
Ümumilikdə yarışda 10 komanda iştirak edib. Hər komanda iki pilotla təmsil olunub.
Xatırladaq ki, Bakıda 2016-cı ildə Niko Rosberq, 2017-ci ildə Daniel Rikkardo, 2018-ci ildə isə Lüis Hemilton qalib gəliblər.
Sputnik Azərbaycan möhtəşəm yarışın ən maraqlı anlarını lentə alıb.