BAKI, 27 aprel — Sputnik. Ağsu rayonunun İlxıçı kəndində ümumi sahəsi 154 m² olan talvarın altına yığılan 60 ton ot bağlamasının 15 tonu yanıb. Bu barədə Sputnik Azərbaycan-a Fövqəladə Hallar Nazirliyinin (FHN) mətbuat xidmətindən məlumat verilib.
Talvar və ot bağlamasının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
Daha bir rayondan yanğın xəbəri gəlib. Belə ki, Şəmkir rayonunda ümumi sahəsi 330 m² olan tövlənin dam örtüyünün yanar konstruksiyaları 60 m² sahədə yanıb.
Tövlənin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.