BAKI, 15 mart — Sputnik. İsrail hərbçiləri Qəzza zolağında təxminən 100-ə yaxın hədəfi vurub. Sputnik Azərbaycan xəbər verir ki, bu barədə məlumatı İsrail Müdafiə Ordusu öz rəsmi "Twitter" səhifəsində yazıb.
Qeyd olunur ki, zərbələr Fələstin ərazisindən Təl-Əvivə atılan raketlərə cavab olub.
Hələlik İsrail zərbələri nəticəsində zərər çəkənlər və dağıntılar barədə məlumat verilmir.
Qeyd edək ki, martın 14-ü Qəzza sektorundan Təl-Əviv istiqamətində iki raket atılıb. Onlardan biri raket əleyhinə müdafiə sistemi tərəfindən zərərsizləşdirilib.