BAKI, 11 mart — Sputnik. Azərbaycan karateçiləri 9-10 mart tarixlərində İstanbulda 32-ci "Bosphorus Cup" beynəlxalq karate turnirində 14 medal qazanıblar. Bu barədə Sputnik Azərbaycan-a Karate Federasiyasının mətbuat xidmətindən məlumat verilib.
Mükafatların beşi qızıl, dördü gümüş, beşi isə bürüncdür. Qızıl medal qazananlar Vüsal Qəmbərov (fərdi kumite, 10 yaşlı uşaqlar -30 kq), Məhəmməd Xamoyev (fərdi kumite, 13 yaşlı uşaqlar -45 kq), Ramil Baxşəliyev (fərdi kumite, 14-15 yaşlı yeniyetmələr -52 kq) , Hüseyn Məmmədli (fərdi kumite, 16-17 yaşlı yeniyetmələr -61 kq) və Osman Osmanlıdır (fərdi kumite, 16-17 yaşlı yeniyetmələr +76 kq).
Gümüş medalları isə Rüstəm Rzayev (fərdi kumite, 10 yaşlı uşaqlar +45 kq), Kamil Kərimli (fərdi kumite, 11 yaşlı uşaqlar -45 kq), Ayxan Allahverdiyev (fərdi kumite, 12 yaşlı uşaqlar -52 kq) və Rəsul Abbasov (fərdi kumite, 13 yaşlı uşaqlar -45 kq) qazanıb.
Bürünc medal sahibləri Əli Ağayev (fərdi kumite, 10 yaşlı uşaqlar -40 kq), Aysu Əliyeva (fərdi kumite, 13 yaşlı uşaqlar -44 kq), Fərid Savadov (fərdi kumite, 14-15 yaşlı yeniyetmələr -52 kq), Ruslan Qafarlı (fərdi kumite, 14-15 yaşlı yeniyetmələr -57 kq) və Fərid Ağayevdir (fərdi kumite, 16-17 yaşlı yeniyetmələr -76 kq).
Qeyd edək ki, ənənəvi turnirndə 31 ölkədən 1299 müxtəlif yaşlı karateçi iştirak edib.