BAKI, 8 mart — Sputnik. Çində qəribə hadisə baş verib. Sputnik Azərbaycan xarici mətbuata istinadən xəbər verir ki, Nançam şəhərində 17 yaşlı qız bədbəxt hadisə ilə üzləşib.
Belə ki, qız yuxudan oyanan zaman qulağında narahatlıq hiss edib və həkimə müraciət edib. Həkimlər qızın qulağını müayinə edərkən, məlum olub ki, qulağında canlı tarakan var.
Həkimlər belə güman edirlər ki, qız yatan zaman tarakan onun qulağına qida tapmaq üçün daxil olub. Rəylərə görə, tək tarakanlar yox, hörmüçəklər və başqa həşəratlar da qida axtaran zaman insanın qulağına daxil ola bilir.
Mütəxəssislər hər kəsə xəbərdarlıq edirlər ki, belə halla üzləşən zaman insanlar özləri həşəratı qulaqdan çıxarmağa cəhd etməsinlər. Bu, həyatları üçün təhlükəli ola bilər.