BAKI, 5 mart — Sputnik. "ABŞ kosmosu hərbiləşdirmək üçün bəhanə formalaşdırır".
Sputnik Azərbaycan "Star"a istinadla xəbər verir ki, bunu Rusiya Silahlı Qüvvələrinin Baş Qərargah rəisi, ordu generalı Valeri Gerasimov ABŞ-ın Kosmos Qüvvələri Komandanlığı adı altında qoşun növünü yaratmasına münasibət bildirərkən deyib.
V. Gerasimov bildirib ki, Pentaqon son zamanlar dəfələrlə hərbi məqsədlər üçün kosmosdan istifadə etməyi planlaşdırıb: "Bunun üçün yeni bir qoşun növü yaratdılar. Adı Kosmos Qüvvələri Komandanlığıdır. Ancaq əsas məqsədləri kosmosu hərbiləşdirməkdir".
Bundan başqa, Gerasimov Vaşinqtonun Rusiyanın sərhədlərinə yaxın yerlərdə hərbi mövcudluğunu genişləndirməyə davam etdiyini deyib.
"ABŞ-ın bütün bu hərəkətləri hərbi-siyasi gərginliyin yüksəlməsinə və Rusiyanın qarşılıqlı və asimmetrik tədbirlərlə cavab verməsini tələb edən yeni təhdidlərin ortaya çıxmasına səbəb ola bilər" – deyə ordu generalı bildirib.