BAKI, 22 fevral — Sputnik. Rusiyanın Saxalin vilayətində 3 nəfər qrip səbəbilə dünyasını dəyişib.
Sputnik Azərbaycan Rusiya mətbuatına istinadla xəbər verir ki, fevralın 19-da qrip nəticəsində ağırlaşma diaqnozu ilə 3 nəfər ölüb. Onlardan biri uşaqdır.
Vilayət Səhiyyə Nazirliyinin məlumatına görə, hər 3 halda şəxslər ağırlaşma ilə xəstəxanaya daxil olub.
Onlar stasionar şöbəyə qəbul edilib.
Nazirlik xəbərdarlıq edib ki, soyuqdəymə xəstəlikləri zamanı özünümüalicə ilə məşğul olmaq olmaz. Mütləq həkimə müraciət etmək və müalicə olunmaq lazımdır.