BAKI, 8 fevral — Sputnik. Uelsin "Cardiff City" klubunun 21 yanvar tarixində, səhər saatlarında itkin düşmüş futbolçusu Emiliano Salanın cəsədi axtarışlar nəticəsində tapılıb. Sputnik Azərbaycan xarici mətbuata istinadən xəbər verir ki, cəsəd təyyarənin dağıntıları altından çıxarılıb.
Cəsəd tibbi ekspertizaya göndərilib və Emiliano Salanın olduğu təsdiqlənib.
Futbolçunun meyiti yaxınlarına təhvil verilib.
Qeyd edək ki, Emiliano Salani təyyarə qəzasında yoxa çıxmışdı.