BAKI, 5 fevral — Sputnik. Ümumdünya Səhiyyə Təşkilatının məlumatına görə, hər il dünyada 18 milyon şəxsə ilk dəfə olaraq xərçəng xəstəsi diaqnozu qoyulur. 2025-ci ilədək isə bu rəqəmin artıq 19.3 milyon olacağı proqnozlaşdırılır.
Ölüm səbəblərinə görə, ürək, qan-damar xəstəliklərindən sonra ikinci yerdə qərarlaşan xərçəng xəstəliyinə səbəb olan bir sıra başlıca amillər var. Alimlərin sözlərinə görə, piylənmə, oturaq həyat, meyvə-tərəvəzin lazımı qədərdə yeyilməməsi, hərəkətsizlik xərçəngə səbəb olan əsas amillərdən biridir.
Araşdırmalara görə, ölümlə bağlı rəqəmlər daha zəif inkişaf etmiş ölkələrdə digərləri ilə müqayisədə yüksəkdir.
Qeyd edək ki, hər il dünyada 8 milyon insan xərçəng xəstəliyindən dünyasını dəyişir.