BAKI, 20 dekabr — Sputnik. "Manchester United" futbol klubunda məşqçiliyə başladığı gündən mehmanxanada qalan Joze Mourinyonun hotel xərci açıqlanıb.
Sputnik Azərbaycan-ın Türkiyə mediasına istinadən xəbərinə görə, o, 2016-cı ilin iyulundan etibarən "Lowry" hotelində qalmağa başlayıb. Artıq klubdan qovulan Mourinyonun həmin hoteli də tərk etdiyi bildirilir.
Medianın diqqətini çəkən əsas məsələ isə 2 il ərzində klub rəhbərliyi tərəfindən Mourinyonun bu hoteldə qalması üçün xərclənən vəsait olub. Açıqlanan rəqəmlərə görə, klub rəhbərliyi tərəfindən Mourinyonun 2 il 6 ay ərzində "Lowry" hotelində qalması üçün 671 min dollar xərclənib.