BAKI, 4 dekabr — Sputnik. Amerikanın Havay institutunun mütəxəssisləri və Almaniyanın Noykirxen universitetinin alimləri kosmosdan süni mənşəli olduqca güclü radiosiqnal aldıqları barədə məlumat veriblər.
Sputnik Azərbaycan xarici mətbuata istinadla xəbər verir ki, kosmik tədqiqatçıların fikrincə, belə siqnallar ancaq ağıllı varlıqlar tərəfindən göndərilə bilər. Bununla yanaşı, belə siqnalların göndərilməsi üçün gün ərzində Günəşin istehsal etdiyi istilik miqdarına bərabər olan böyük miqdarda enerji lazımdır.
Bundan əlavə, siqnallar pulsasiya formasında göndərilib.
Alimlər alınan mesajın ilkin analizini aparıblar və onların fikrincə, bu siqnallar Süd yolu qalaktikası kimi uzaq qalaktikalardan göndərilməyib. Çünki bu siqnal üçün uzunmüddətli səyahət mümkün deyil. O, kosmik toz tərəfindən məhv edilə bilərdi.
Hazırda alimlər kosmosdan alınan mesajı açmağa çalışırlar.