BAKI, 26 oktyabr — Sputnik. Türkiyə prezidenti Rəcəb Tayyib Ərdoğan Səudiyyə Ərəbistanı rəhbərliyindən jurnalist Camal Qaşıqçının ölüm əmrini verən şəxslərin adlarını çəkməsini istəyib. Bu barədə Sputnik Azərbaycan "Anadolu" agentliyinə istinadən xəbər verir.
Bundan əlavə, Türkiyə lideri səudiyyə tərəfindən jurnalistin İstanbulda öldürülməsi əməliyyatı üzrə "yerli iştirakçının" adını və öldürülən jurnalistin cəsədinin harada gizlədildiyini açıqlamağı tələf edib: "Qaşıqçının cəsədi haradadır? Kim Qaşıqçının öldürülməsi əmrini verib? Kim bu insanların Türkiyəyə gəlməsi əmrini verib? Səudiyyə rəhbərliyi bütün bunları izah etməlidir".
Ərdoğan, həmçinin əlavə edib ki, bu gün Səudiyyə Ərəbistanının vəliəhd şahzadəsi Məhəmməd bin Salman əl Səudla danışıqlar aparıb.