BAKI, 18 oktyabr — Sputnik. Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunları başa çatıb. Azərbaycan milli komandası bu oyunları 6 medalla yekunlaşdırıb.
Sputnik Azərbaycan xəbər verir ki, komandamız mötəbər yarışa 17 idmançı ilə yollanmışdı. Gərgin keçən mübarizələrdə idmançılarımız cəmi 2 qızıl, 1 gümüş, 3 bürünc medal qazana biliblər.
Sonuncu qızıl medalı boksçu Nurlan Səfərov 60 kilo çəkidə qazanıb və komandamızın hesabına daha bir medal yazdıra bilib.
Ondan əvvəl isə cüdoçu Vüqar Talıbov (66 kq) və sərbəst güləşçi Turan Bayramov (65 kq) qızıl, ağırlıqqaldıran Tarmenxan Babayev (85 kq) gümüş, taekvondoçu Cavad Ağayev (63 kq), və qadın güləşçi Şahanə Nəzərova (43 kq) bürünc medala sahib olub. Eyni zamanda bədii gimnast Yelizaveta Luzan isə Beynəlxalq Olimpiya Komitəsinin qarışıq komandasının tərkibində qızıl medal qazanıb. Amma bu medal ümumi sıralamada Azərbaycan adından göstərilməyib.
Beləliklə Azərbaycan komandası qazandığı medallar ilə medal sayında isə 37-ci yerdə qərarlaşıb.