BAKI, 17 oktyabr — Sputnik. Rusiya prezidenti Vladimir Putin Türkiyəyə səfər edəcək.
Sputnik Azərbaycan "Haber7"yə istinadla xəbər verir ki, Kremlin sözçüsü Dmitri Peskov Rusiya, Türkiyə, Almaniya və Fransa liderlərinin qatılacağı Suriya mövzusunda dördtərəfli zirvə üçün hazırlıq aparıldığını və Rusiya prezidenti Vladimir Putinin İstanbuldakı bu zirvəyə qatılacağını deyib.
Rusiya dövlət başçısının köməkçisi Yuri Uşakov Rusiya, Türkiyə, Almaniya və Fransa liderləri arasında İstanbulda dördlü zirvə həyata keçirilməsi üzərində razılaşdırıldığını, zirvə görüşünün yaxın vaxtlarda keçiriləcəyini söyləmişdi.
Türkiyə prezidenti Rəcəb Tayyib Ərdoğan 7 sentyabrda İstanbulda Rusiya, Fransa, Almaniya və Türkiyə liderləri arasında dördtərəfli sammit keçiriləcəyini demiş, lakin, sammit baş tutmamışdı.