BAKI, 23 iyul — Sputnik. "Bu gün tapılan 3 yaşlı İsmayıl Novruzov Xudat Rayon Xəsətxanasında müayinə edilib". Bu barədə Sputnik Azərbaycan-a uşağın yaxınları məlumat verib. Onların bildirdiklərinə görə, İsmayıl Novruzov "Mayak" istirahət mərkəzindən 500 metr aralıda çayda tapılıb: "Uşağı Fövqəladə Hallar Nazirliyinin əməkdaşları tapıb. Ayaqları suda imiş. Müayinədən keçirilib. Sağlamdır. Hazırda istirahət mərkəzinə aparılıb. Biz güman edirik ki, onu kimsə aparıbmış, gətirib buraxıb. Çünki həmin yerlər dəfələrlə axtarılmışdı. Yox idi uşaq".
İsmayıl Novruzovun hazırki vəziyyəti
© Photo : Sosial şəbəkə
Xatırldaq ki, Xaçmaz rayonunda bazar günü itkin düşmüş 3 yaşlı Novruzov İsmayıl Elçin oğlu bu gün tapılıb.