BAKI, 10 iyul — Sputnik. İspaniyanın "Real Madrid" klubunun ulduzu, portuqaliyalı Kriştianu Ronaldu komandanı tərk edib.
Sputnik Azərbaycan xəbər verir ki, artıq “Real”ın saytında 33 yaşlı portuqaliyalı hücumçunun İtaliyanın "Yuventus" klubuna keçidini təsdiqlənib.
Saytda qeyd edilir ki, Kriştianu Ronaldunun istəyi və arzusu ilə “Yuventus”a keçməsinə icazə verilib. “Real Madrid” Ronalduya təşəkkür edib və onu dünyanın ən yaxşı futbolçusu adlandırıb.
Qeyd edək ki, Ronaldu 2009-cu ildən "Real Madrid"də çıxış edir. O, bu müddət ərzində 438 oyunda 451 qol vurub, 16 titul qazanıb. Ronaldu “Real”ın heyətində 4 dəfə “Qızıl top” qzanıb.