BAKI, 24 iyun — Sputnik. Rusiyada keçirilən futbol üzrə dünya çempionatında H qrupunda II turun ilk oyunu keçirilib. Sputnik Azərbaycan xəbər verir ki, Yaponiya millisi Seneqal yığması ilə qarşılaşıb.
Gərgin oyun 2:2 hesabı ilə başa çatıb. Yaponların heyətində Takasi İnui (34 dəq.) və Keysuke Honda (78 dəq.) fərqləniblər. Seneqal millisində isə Sadio Mane (11 dəq.) və Mussa Vaqe qol vurublar.
Qeyd edək ki, bu komandaların hər biri ilk oyunda qələbə qazanıblar. Qrupun autsayderləri olan Polşa və Kolumbiya arasında oyun saat 22:00-da başlayacaq.