BAKI, 20 iyun — Sputnik. Avropa İttifaqı Şengen vizasının qiymətini artırmaq barədə düşünür. Sputnik Azərbaycan Avropa İttifaqı Şurasının saytına istinadən xəbər verir ki, iyunun 19-da Aİ Şurası Viza Məcəlləsinə dəyişiklik edilməsi ilə bağlı danışıqlar üçün mandatı təsdiqləyib. Yeni məcəllədə vizanın standart qiymətinin 80 avroya qaldırılması nəzərdə tutulur.
Yeni qaydalara əsasən, viza müraciətini səfərdən 6 ay əvvəl yerləşdirmək mümkün olacaq.
Qeyd edək ki, indiyədək viza müraciəti səfərdən 15 gün əvvəldən gec olmayaraq yerləşdirilirdi. Hazırda Şengen vizasının standart qiyməti isə 60 avrodur.