BAKI, 18 iyun — Sputnik. Rusiyada keçirilən futbol üzrə dünya çempionatında F qrupunda ilk turun ikinci görüşü keçirilib.
Sputnik Azərbaycan-ın məlumatına görə, Nijni Novqorodda keçirilən oyunda İsveç və Cənubi Koreya milliləri qarşılaşıblar. Birinci hissə əsasən isveçlilərin hücumları ilə keçib. Lakin onlar qol vur bilməyiblər. Koreyalıların əks-hücumları da nəticə verməyib — 0:0.
İkinci hissənin 65-ci dəqiqəsində Klassona qarşı qayda pozuntusuna görə koreyalıların qapısına 11 metrlik cərimə zərbəsi təyin olunub. Qrankvistin zərbəsi dəqiq olub — 1:0. Oyun elə bu hesabla başa çatıb.
Bu qrupda keçirilən digər görüşdə dünən Meksika sensasiyalı şəkildə Almaniyaya qalib gəlmişdi — 1:0.