BAKI, 9 iyun — Sputnik. Xəbər verildiyi kimi Argentina milli futbol komandası İsraildə baş verən etirazlara görə bu ölkədə keçiriləcək yoldaşlıq oyununu keçirməkdən imtina edib.
Sputnik AzərbaycanTürkiyə mediasına istinadən xəbər verir ki, Argentina milli komandasının İsrailə getməkdən imtina etməsində Türkiyə dövlətinin rolu olduğunu iddia edilir. Belə ki, İsrailin dövlət kanalı olan “Kan” telekanalının müxbiri Amiçai Stein oyunun təşkilatçıları ilə görüşüb.
Stein təşkilatçıların ona, "Yoldaşlıq oyununun ləğv olunma qərarının arxasında Qətər və Türkiyə dövlətləri var, lakin gələcəkdə Argentina ilə 2 matç oynamaq üçün danışıqlar davam edir. Bu oyunlardan biri Qüdsdə keçirilə bilər” dediyini iddia edib.