BAKI, 8 may — Sputnik. İngiltərənin "Çelsi" klubunun hücumçusu Alvaro Morata İtaliya "Yuventus"una geri qayıtmaq istəyir. Bu barədə Sputnik Azərbaycan "Rai Sport"-a istinadən xəbər verir.
Nəşr yazır ki, İspaniya millisinin oyunçusu artıq Turin klubu ilə şəxsi müqaviləsinin detallarını razılaşdırıb. 25 yaşlı Moratanın əsas heyətə düşmədiyi üçün qəti şəkildə "Çelsi"dən ayrılmaq niyyətində olduğu bildirilir.
Lakin oyunçunun transfer qiyməti "Yuventus" üçün problem ola bilər. Belə ki, London təmsilçisi Moratını 80 milyon avro müqabilində heyətinə cəlb edib və onu aşağı qiymətə satmaq niyyətində deyil.