BAKI, 28 aprel — Sputnik. 2018 Formula 1 Azərbaycan Qran Prisinin üçüncü son sərbəst yürüşündə qəza baş verib. Sputnik Azərbaycan xəbər verir ki, “Williams” komandasının pilotu Sergey Sirotkin dönmə hərəkətini düzgün yerinə yetirə bilməyib. Pilot idarəetməni itirərək bolidini baryerə çırpıb. Nəticədə maşın sıradan çıxıb. Marşallar dərhal müdaxilə edərək pilotu təxliyə ediblər. Bolid xüsusi texnika ilə trekdən kənarlaşdırılıb.
S.Sirotkin sərbəst yürüşü dayandırmağa məcbur olub. Onun bolidinin sıralanma turuna qədər yenidən təmir olub-olunmayacağı maraq doğurur.
Qeyd edək ki sıralanma turu bu gün saat 17:00-da başlayacaq.