BAKI, 27 aprel — Sputnik. Formula-1 Azərbaycan Qran-Prisinin ikinci sərbəst yürüşü başa çatıb.
Sputnik Azərbaycan xəbər verir ki, günün sonuncu yürüşündə “Red Bull Racing” komandasının pilotu Daniel Rikkardo bütün pilotları qabaqlayıb. Pilot 1 dəqiqə 42,795 saniyəlik nəticə ilə lider olmağı bacarıb. “Ferrari” komandasının sürücüsü Kimi Raykonnen ikinci olub. "Red Bull Racing"in digər pilotu Maks Ferstappen yürüş zamanı bir neçə dəfə yolu səhv salaraq vaxt itirsə də üçüncülüyü rəqiblərinə verməyib.
Qeyd edək ki, sabah 14:00-da Formula 1-in üçüncü sərbəst yürüşü və 17:00-da isə sıralama turu baş tutacaq.