BAKI, 27 aprel — Sputnik. Futbol üzrə Avropa Liqasında yarımfinal mərhələsinin ilk görüşləri keçirilib.
Sputnik Azərbaycan-ın məlumatına görə, İngiltərədə "Arsenal" İspaniyanın "Atletiko" klubunu qəbul edib.
Kofayət qədər gərgin keçən oyunda qalib müəyyənləşməyib. Meydan sahiblərinin qoluna qonaqlar qolla cavab veriblər. Görüş 1:1 hesablı heç-heçə ilə yekunlaşıb.
Fransada isə "Marsel" "Zaltsburq" üzərində qələbə qazanıb. Fransızlar rəqibin qapısının torunu 2 dəfə silkələyə biliblər — 2:0.
Qeyd edək ki, cavab görüşləri mayın 3-də keçiriləcək.