BAKI, 11 aprel — Sputnik. "Müşahidəçiləri və jurnalistləri heç kim məntəqəni tərk etməyə məcbur edə bilməz. Hər kəs istənilən məsələ barədə MSK və qurumun qaynar xətti ilə əlaqə saxlaya bilər".
Sputnik Azərbaycan xəbər verir ki, bu barədə Mərkəzi Seçki Komissiyasının (MSK) sədri Məzahir Pənahov açıqlama verib. O bildirib ki, səsvermədə hər kəsin hüquqları gözlənilməlidir.
"Axırıncı seçici məntəqəni tərk etdikdən sonra məntəqədə qapı bağlanmalıdır. Seçki məntəqələri saat 7-də bağlanacaq" — Pənahov vurğulayıb.