BAKI, 5 aprel — Sputnik. 16 yaşadək qız futbolçulardan ibarət Azərbaycan yığması UEFA İnkişaf turnirində iştirak edəcək. Sputnik Azərbaycan-ın məlumatına görə, turnirin təqvimi artıq müəyyən edilib.
Millimiz Bosniya və Herseqovinada keçiriləcək yarışda ilk olaraq makedoniyalılarla üz-üzə gələcək. Aprelin 18-də keçiriləcək oyun Bakı vaxtı ilə 12:30-da başlayacaq.
İki gündən sonra Xorvatiya ilə qarşılaşacaq (16:00) U-16 aprelin 22-dəki son oyunda ev sahibi Bosniya və Herseqovina ilə (12:30) gücünü sınayacaq.