Rahim Zakiroğlu, Sputnik Azərbaycan
BAKI, 14 mart – Sputnik. Axşam saatlarında Cəlilabad rayonu ərazisində avtomobillə piyadanın vurması qeydə alınıb. Sputnik Azərbaycan-ın Cənub bürosunun verdiyi məlumata əsasən, Cəlilabadın Abdullu kəndi ərazisində “VAZ 2107” markalı avtomobil kənd sakini, 1991-ci il təvəllüdlü Quliyeva Əfsanə Əlimərdan qızını vurub. Nəticədə Ə.Quliyeva müxtəlif dərəcəli bədən xəsarətləri alıb.
Xəsarət alan qız onu vuran sürücü tərəfindən Cəlilabad Mərkəzi Xəstəxanasına çatdırılıb. Hazırda Ə.Quliyevaya xəstəxanada yardım göstərilir.
Baş vermiş hadisə ilə bağlı araşdırma davam etdirilir.