BAKI, 28 fevral — Sputnik. ABŞ-ın paytaxtı Vaşinqtona yaxın ərazidə yerləşən hərbi hissəyə daxil olan şübhəli məktubun açılması nəticəsində təhlükəli hadisə baş verib və 11 hərbçi xəsarət alıb. Yaralılardan üçü xəstəxanaya yerləşdirilib.
Sputnik Azərbaycan "Timeturk"-ə istinadən xəbər verir ki, məlumatı bazaya gələn xilasedicilər "Twitter" hesablarında paylaşıblar. "Qərargaha gələn məktub açılandan sonra 11 nəfərin halı pisləşib. Xəstəxanaya yerləşdirilən 3 nəfərin vəziyyəti ortadır", — məlumatda bildirilir.
Hərbçilərin zəhərləndiyi güman olunur. Polis hadisə ilə bağlı araşdırma aparır.