BAKI, 21 fevral — Sputnik. AFFA Məşqçilər Komitəsinin üzvü, "Bakı" və "Neftçi" klublarının sabiq baş məşqçisi Böyükağa Hacıyev öncə insult, ardınca infakt keçirib.
Sputnik Azərbaycan-ın əməkdaşı futbol mütəxəssisinin səhətti ilə bağlı açıqlama almaq üçün Böyükağa Hacıyevin oğlu Rüstəm Hacıyev ilə əlaqə saxlayıb. Rüstəm Hacıyev bildirib ki, Böyükağa Hacıyev 1 həftədən çoxdur ki, Mərkəzi Klinikadan özəl xəstəxanalardan birinə köçürülüb: "Atam özəl klinikaya köçürüləndən sonra halı daha da pisləşib. Təzyiqini stabil saxlamaq mümkün olmur. Xüsusi aparata qoşublar. Həm də başındakı şişə görə hormonal dərmanlar qəbul etməyə başlayıb. Bu da onun səhhətini daha da ağırlaşdırır. Həkimlər heç nə demir. Bizə yalnız gözləmək qalıb. Ümidimiz Allahadır".