BAKI, 21 fevral — Sputnik. Balakən rayonunun sabiq sahə müvəkkili Ağdam rayonunda özünü öldürüb.
Bu barədə Sputnik Azərbaycan-a Ağdam rayonunun hüquq-mühafizə orqanlarından məlumat verilib.
İnformasiyaya görə, Çəmənli kənd sakini, 1960-cı il təvəllüdlü Məmmədov Yaşar Firudin oğlu fevralın 20-də evinin həyətində özünü asıb.
Ağdam rayonunun istintaq orqanları hələlik intiharın səbəbini müəyyən etməyiblər. Lakin ilkin araşdırma zamanı məlum olub ki, Məmmədov şəkərli diabetdən və yüksək qan təzyiqindən əziyyət çəkirmiş. Ehtimal var ki, mərhumun intiharına səbəb depressiya vəziyyətində olması olub. İntiharın digər görünən səbəbi yoxdur.
Məmmədov əvvəllər Balakən rayon Polis İdarəsində işləyib, sonra oradan istefaya çıxıb.
Faktla bağlı AR Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi açılıb.