Şahpəri Abbasova, Sputnik Azərbaycan
BAKI, 19 fevral — Sputnik. Qax rayonunun Cəlair kəndində yol qəzası baş verib. Sputnik Azərbaycan-ın bölgə müxbiri xəbər verir ki, hadisə ötən gün axşam saatlarında qeydə alınıb.
Rayon sakini Eşqin Yusifov idarə etdiyi "VAZ-2107" markalı avtomobillə ötmə əməliyyatını həyata keçirərkən qəza törədib. Məlumata görə, qəzaya səbəb qarşıdan gələn "KamAZ" markalı yük avtomobilinin sürücüsünün uzaqvuran işıqları yandırması və yağışlı hava olub.
Hadisə nəticəsində xəsarət alan olmasa da, avtomobilə ciddi ziyan dəyib. Faktla bağlı araşdırma aparılır.