BAKI, 26 yan-Sputnik. "İdmanda dopinq vasitələrinin istifadəsinə qarşı cəza sərtləşdiriləcək". Sputnik Azərbaycan xəbər verir ki, bunu parlamentin Gənclər və idman komitəsinin bu gün keçirilən iclasında komitə sədri Fuad Muradov deyib.
Komitə sədri qeyd edib ki, bununla bağlı "İdmanda dopinq vasitələrinin və ya metodlarının istifadəsinə qarşı mübarizə haqqında" qanuna əlavələr olunmalıdır: "Təkliflər paketi var və buraya İnzibati və Cinayət məcəllələrinə dəyişikliklər də daxildir. Bu, komitənin 2018-ci il yaz sessiyası üçün işlər planına daxil edilib".